Gisaysay sa mga nagpaila nga kanhi ex-marines ang ilang kasinatian sa paghatud sa maleta nga puno sa salaping cash sa balay ni Presidente Ferdinand Marcos Jr.
Andam mutestigo sa korte ang nagpaila nga ex-Marine nga maoy personal nga nagdeliver sa bagahe sa balay sa presidente sa Ilocos.
Gibutyag ni Atty Levi Baligod, nga ang naghatud niini mao ang ex-Marines kaniadto nagserbisyo isip security ug logistics personnel ni kanhi Ako Bicol Party-list Rep. Zaldy Co.
Ang grupo misulti nga daghang higayon sila nakahatud sa mga maleta nga puno sa kwarta, ug napadalhan usab nila daghang higayon sa mga maleta ang balay ni kanhi House Speaker Martin Romualdez.
Hisayran nga ang mga alegasyon gipresentar aron mosuporta sa pamahayag ni Orly Guteza, nga unang nagbutyag sa maong isyu.
Sa pikas bahin, mi-alegar usab si Atty Baligod nga nakapadala sa maleta ang mga ex-marines kang kanhi Senador Antonio “Sonny” Trillanes IV.
Mubalor sa ₱112 milyon gikan kang kanhi Ako Bicol Party-list Rep. Zaldy Co ang nadawat ni Trillano aron kuno tabangan ang mga panginahanglan sa mga imbestigador sa International Criminal Court (ICC).
Ang alegasyon nagpasabot nga adunay koneksyon ang pondo gikan sa anomalya sa flood control ug gigamit kini aron suportahan ang ICC probe.
