CAGAYAN DE ORO CITY, Philippines – “Why should I do that”?
Kini ang sarkastikong tubag ni Presidente Ferdinand Marcos Jr kalabot sa hagit nga siya mupaubos sa “hair follicle drug test”.
Gikuwestiyon ni Marcos ang motibo sa mga nagpaluyo sa hagit ug namugos nga walay relasyon ang “public trust” ug “public office|” sa maong klase sa test.
Gitin-aw ni Marcos nga kung siya adik, wala unta dawata ni kanhi Executive Secretary Atty Vic Rodriquez ang pagtrabaho ubos sa iyang administrasyon.
Mahinumduman nga halos lima ra ka bulan ang pag-abag ni Rodriguez kang Marcos human kini miluwat sa iyang puwesto sa Malakanyang.
Human sa iyang pagluwat mihungaw ang pag-aslom sa ilang relasyon dihang mipagawas sa expose si Kanhi Presidente Rodrigo Duterte nga drug user ug gitawag nga “bangag” si Marcos.
Mas milanog ang hagit ni Rodriguez nga magpahair follicle test si Marcos dihang nagviral ang video nga naghithit sa wala matumbok nga druga ang lalaki nga kamay-ong sa nawong ni Marcos.
