Gidepensa ni Presidente Ferdinand Marcos Jr., ang iyang pagbiya sa nasud, taliwala nga gikuso-kuso’g maayo ang Luzon, ug pipilang bahin sa Visayas gumikan sa Bagyong Crising.
Miingon si Marcos nga sa wala pa siya makasakay sa abyon padulong Amerika, iya nang gipulong ang iyang mga sakop sa gabinete aron tutukan ang rescue ug relief operations sa mga lugar nga maigo sa bagyo ug grabeng pagbaha tungod sa Habagat sa Mindanao.
Mahinumduman nga milupad si Marcos Hulyo 20 ug lauman nga muuli ugmang adlawa, gikan sa Amerika, human sa iyang pakighimamat kang US President Donald Trump.
Lakip sa iyang gituki nga agenda mao ang pagnegosyar sa gipahantang nga 20% nga taripa sa Amerika, sa pipila ka export products sa Pilipinas ug ang nagsamot nga tensyon sa West Philippines Sea batok sa China.
Gawas kang Marcos, wala usab sa Pilipinas si Bise Presidente Sara Duterte kay atua sa The Hague Netherlands, kay nag-atiman sa iyang napriso nga amahan.
