Gipasigarbo ni Presidente Ferdinand Marcos Jr. ang dako ug importanteng papel sa pribadong sektor alang sa paglambo sa ekonomiya samtang nag-uswag ang Pilipinas isip usa ka ‘upper-middle-income country’.
Atol sa usa ka ‘joint press statement’ didto sa Canada, gipahayag sa Presidente nga prayoridad sa iyang administrasyon ang paghimo sa nasod nga mas madanihon sa mga lokal ug langyaw nga mamumuhunan.
Misugot ug miuyon usab si Canadian Prime Minister Mark Carney nga mahinungdanon ang pag-abag sa pribadong sektor, dungan sa pagpatigbabaw sa balaod, pagrespeto sa katungod sa tawo, ug pagka-transparent sa kagamhanan.
