Gihulagway ni Pangulong Ferdinand Marcos Jr. isip usa ka “garbage crisis” ang nagkagrabeng problema sa basura sa nasud.
Matud sa Pangulo, dili igo ang pagpahamtang og multa batok sa dili hustong paglabay sa basura kung kulang usab ang mga pasilidad alang sa hustong pagdumala niini.
Gipasiugda ni Marcos ang panginahanglan sa mas hapsay ug episyenteng sistema sa pagkolekta ug pagdumala sa basura.
Kini nahiuyon sa iyang panawagan nga repasuhon ug pauswagon ang kasamtangang balaod ug polisiya sa solid waste management sa nasud.
Samtang, padayon usab nga gikonsiderar sa gobyerno ang dugang nga mga lakang aron masulbad ang problema sa basura ug malikayan ang pagbabag niini sa mga kanal ug drainage system nga mahimong makapasamot sa pagbaha. (jane abulag)
