Gipagawas ni Pangulong Ferdinand Marcos Jr. ang Special Order No. 424 aron itukod ang executive committee nga temporaryong magdumala sa operasyon sa Office of the President samtang siya atua sa Vatican City gikan sa Abril 24 kutob 28, 2025.
Kini nga komite langkoban sa buhatan ni Executive Secretary Lucas Bersamin, isip chairperson, mga kalihim sa Department of Justice ug Department of Agrarian Reform isip mga miyembro.
Ang ilang mga responsibilidad naglakip sa paglihok alang sa Presidente gawas sa mga butang nga kinahanglanon nga siya mismo ang magdesisyon, sama sa mga isyu sa national security.
Gimanduan usab ang tanang mga departamento ug ahensya sa gobyerno nga suportahan ang komite sa ilang mga buluhaton.
Ang tanang aksyon sa komite mahimong ituring nga aksyon sa Presidente gawas kung kini iyang disaprubahan.
Ang Pangulo ug ang Unang Ginang, nga si Liza Araneta-Marcos, mubiyahe aron motambong sa lubong ni Pope Francis.
