Nangulo si Presidente Ferdinand Marcos Jr. sa tradisyunal nga Vin d’ Honneur sa Palasyo sa Malacañang isip pagsaulog sa ika-128 nga Adlaw sa Kagawasan sa nasod.
Ang maong opisyal nga pag salo-salo gitambongan sa mga miyembro sa diplomatic corps, lakip na si Chinese Ambassador Jing Quan, mga opisyal sa Gabinete, ug mga lider sa lehislatura.
Sa iyang pakigpulong, gihisgutan sa Presidente nga ang korapsyon, pagkabahin-bahin, kawad-on, ug climate change ang pipila sa mga nag-unang hulga sa kagawasan ug kalamboan sa Pilipinas.
Bisan pa niini, nagpabilin ang iyang pagsalig ug paglaum sa kahanas, kakugi, ug kaayohan sa katawhang Pilipino.
Nanawagan usab si Marcos sa katawhan nga panalipdan ang kamatuoran, pabalikon ang pagsalig sa usag usa, ug magtinabangay uban sa mga kaalyadong nasod alang sa kalinaw. (riza budlao)
