Gipamugos ni Presidente Ferdinand “Bongbong” Marcos Jr. nga bukas ang Pilipinas sa pakig-partner sa bisan unsang nasud aron makamugna sa dugang trabaho ug makahatag sa ti-unay nga kalambuan sa ekonomiya sa nasud.
Gipaniguro sa Presidente nga walay palisiya ang gobyerno sa pagpalayo o nagputol sa relasyong ekonomikanhon tali sa Pilipinas ug sa China, taliwala sa tensyon sa West Philippine Sea.
Gibutyag ni Marcos nga nagpabiling gihapon ang China nga pinakadakong investor sa Pilipinas.
Gidugang pa ni Marcos nga padayong bukas ang merkado sa nasud gikan sa Amerika, Europe, Japan, ug uban pang mga nasud basta kay makahatag sa kaayohan ug kalamboan sa mga Pilipino.
