Gibutyag sa ika-11 nga adlaw sa impeachment trial ni Vice President Sara Duterte ang usa ka acknowledgment receipt nga nagpakita nga ang ngalan nga “Mary Grace Piatos” nakadawat og ₱70,000 isip “payment of reward (medicines)” gikan sa confidential funds sa Office of the Vice President (OVP).
Matod ni Roderick Wamil, kanhi state auditor sa Commission on Audit (COA), kulang ang maong resibo sa mga supporting documents nga gikinahanglan ubos sa Joint Circular 2015-01 aron mapamatud-an ang kalampusan sa operasyon o transaksyon.
Giingon usab niya nga dili matino pinaagi lamang sa resibo kung ang gibayad nga reward tinuod bang alang sa tambal, maong nangayo pa sa dugang nga dokumento ug katin-awan ang COA.
Matod sa prosekusyon, dugay nang gikuwestiyon ang ngalan nga “Mary Grace Piatos,” ug ilang gipasiugda nga kaniadto gikumpirma sa Philippine Statistics Authority nga walay opisyal nga rekord sa pangalang “Mary Grace Piattos,” nga ilang gigamit isip kabahin sa ilang alegasyon sa giingong dili husto nga paggamit sa confidential funds
