Mupadayon ang House prosecution sa pagpresentar sa mga ebidensya sa impeachment trial batok kang Vice President Sara Duterte.
Matod ni Atty. Amando Virgil D. Ligutan, counsel for the prosecution, nahuman na nila ang presentasyon sa ebidensya alang sa Article IV nga may kalabutan sa giingong grave threats.
Sunod nilang ipresentar ang mga ebidensya alang sa Article I, nga naglangkob sa mga alegasyon sa giingong sayop nga paggamit sa confidential funds.
Matod ni Ligutan nga sistematiko ug padayon ang ilang pagpresentar sa mga ebidensya aron suportahan ang matag artikulo sa impeachment complaint.
Nagpadayon ang impeachment trial samtang gilauman ang dugang pang presentasyon sa mga testigo ug dokumentaryong ebidensya sa mosunod nga mga pagdungog.
