Mahinungdanon ang ikaupat nga State of the City Address ni City Mayor Rolando Klarex Uy kagahapong adlaw atol sa ika-76 nga kasumaran sa pagkahimugso sa dakbayan sa Cagayan de Oro.
Gihatag sa mayor ang iyang mensahe diha sa Plaza Divisoria diin iyang gipahibalo ang mga kalampusan sa iyang administrasyon ilalom sa RISE Agenda sulod sa usa ka tuig.
Lakip sa gipasiugda ni Mayor Uy mao ang iyang mga nakab-ot sa pagpalig-on sa serbisyo publiko, pagpalambo sa ekonomiya, ug paghimo sa syudad nga mas luwas ug andam alang sa tanang Kagay-anon.
Sanglit usa man kini ka makasaysayanong selebrasyon, gilusad usab atol sa programa ang 75th Commemorative Stamp ug gitunol ang 400 years coffee book nga gimugna ni 2nd District Representative Rufus Rodriguez.
Sa katapusan, gipadayag sa mayor ang iyang dedikasyon sa padayon nga pagpaningkamot aron makab-ot ang mas lig-on nga serbisyo ug malungtarong kalamboan alang sa umaabot nga henerasyon.
