Gipangunahan ni City Mayor Rolando Klarex Uy ug sa City Disaster Risk Reduction and Management Department (CDRRMD) ang gipahigayon nga full scale exercise alang sa 2nd quarter Nationwide Simultaneous Earthquake Drill sa City Hall kagahapong adlawa Hunyo 18, 2026.
Inabagan usab sa Office of the Civil Defense Region 10 sa pagpangulo ni Regional Director Antonio B. Sugarol, pormal nga gibuksan ang maong kalihokan aron masiguro ang kaandam sa mga kawani ug opisyal.
Atol sa drill, gipakita sa mga partisipante ang hustong pamaagi sa duck, cover, and hold, ingon man ang hapsay nga paghikling sa mga tawo ngadto sa luwas nga dapit.
Dugang pa, gihulagway usab ang mga estratehiya sa emergency response teams sama sa pagtubag sa mga nahugno nga gambalay, sunog, ug uban pang kadaot nga dala sa kusog nga linog.
Tumong sa maong full scale exercise nga masukod ang kapasidad sa syudad sa pagtubag sa emerhensiya kung moigo man ang intensity 8 nga gikusgon sa linog.
