Padayon ang implementasyon sa energy conservation order ni Mayor Rolando Klarex Uy tungod sa nagpadayong tensiyon sa Middle East.
Sumala sa tigpamaba nga si Janboy Actub, walay klarong petsa sa pag-undang sa polisiya ug magpabilin kini hangtod nga mahupay ang sitwasyon sa gawas sa nasod.
Ang kamandoan nag-awhag sa mga opisina sa Cagayan de Oro City Government nga magpaminos sa konsumo sa kuryente ug krudo aron makunhuran og labing menos 10% ang paggamit sa enerhiya.
Giingon ni Actub nga mas dako nga pagkunhod sa konsumo mas dako usab ang tabang sa gobyerno ug katawhan sa pag-atubang sa krisis sa enerhiya.
