Magpatuman og mas estrikto nga fact-checking sa mga datos bahin sa pagtabok sa utlanan ngadto sa Espanya uban sa pakig-alayon nila sa European Union ang plataporma sa social media nga Meta ug Tiktok.
Kini nga desisyon gihimo human ang kapin sa 70,000 ka migrante kay misulay sa pagtabok sa enclave sa Ceuta gikan Morocco niadtong niaging bulan, diin hapit 100 ka tawo ang namatay.
Nasuta nga ang maong trahedya kay nag-ugat sa mga nag-viral nga peke nga bidyo ug dili tinuod ng impormasyon sa internet nga nag-aghat sa mga tawo sa paghimo sa maong peligrosong panaw.
Aron malikayan ang susamang insidente, ang European Commission ug Europol adlaw-adlaw na nga makig-alayon sa Meta ug Tiktok aron paspas nga mapahunong ang mga bakak nga balitang gipakatap sa maong mga social media platforms. (raniel mahunyag)
