CAGAYAN DE ORO CITY – Nagpahayag ng pasasalamat si Engr. Raul Ilogon, presidente ng West Misamis Oriental Historical and Cultural Society, sa sakripisyo ng mga lokal na bayani ng Cagayan de Oro.
Ayon sa kanya, ang kasaysayan ng lungsod ay itinaguyod sa dugo, pawis, at luha ng mga katutubo gaya nina Gen. Nicolas Capistrano at Col. Apolinar Velez na lumaban para sa kalayaan.
Binanggit niya ang Battle of Agusan Hill kung saan maraming saksi sa Phil-American War ang nasawi.
Ipinaalala rin ni Ilogon na ang monumento sa Divisoria, na dating tinawag na Bonifacio Monument, ay kinikilala ngayon bilang “El Pueblo A Sus Heroes,” bilang pagpupugay sa lahat ng bayani ng lungsod.
