Nagmahal na ang presyo sa itlog sa Pilipinas.
Kompirmasyon kini sa Philippine Egg Board Association.
Nabalaka ang grupo nga sa pag-abot sa pasko, lakip na sa unang quarter sa bag-ong tuig, lauman ang padayong pagsaka sa presyo itlog.
Una nang gibutyag ni Philippine Egg Board Association President Francis Uyehara, nga ang pag-ubos sa supply ug pagsaka sa demand sa itlog maoy usa sa hinungdan sa pagsaka sa presyo.
Niadtong Marso ug Abril, nalugi ang industriya tungod sa pagsakit sa mga manok dala sa tumang kainit epekto sa El Nino.
Sa maong mga bulan, misaka ang galastuhon sa mga negosyante alang sa paghatag sa bugnaw nga bentilasyon, dugang patubig sa mga apektadong manok.
Nagminus usab ang farm operations sa Luzon ug Visayas nga maoy grabeng naapektuhan sa tumang kainit.
Kini ang rason sa pagnihit sa produksiyon sa itlog.
Niadto ang 30 piraso o usa ka tray sa itlog mapalit lamang 120 pesos, apan karon, ang small size tray mapalit na sa tag 225 pesos; ang medium 250 pesos; ang large 275 ug ang extra large 280.
Kini nga mga bag-ong presyo, nakuha sa Bombo News Team gikan sa paglibot suroy sa merkado sa Cogon, Agora ug Puerto ning syudad.(Bombo Anne Quileste).
