Subling nagbansay-bansay ang tropang Taiwanese ang pagdepensa ug pagsira sa Danjiang Bridge atol sa Han Kuang military exercises, nga nagtumong sa pagpalig-on sa ka-andam sa nasod batok sa posibleng pag-atake sa China.
Nagbutang ang mga sundalo og mga babag, barbed wire, ug sandbag positions sa tulay, nga giisip nga estratehikong agianan padulong sa Taipei.
Matud sa usa ka defense researcher, mahimong mahinungdanoon ang pagpanalipod sa tulay tungod kay kung makuha kini sa usa ka invading force ug magpabiling abli, mahimong mas paspas ang pagbalhin sa mga tropa ug suplay padulong sa kapital.
Hisayran nga ang Han Kuang exercises molungtad og 10 ka adlaw ug naglakip sa lain-laing mga simulation aron masulayan ang combat readiness sa Taiwan batok sa potensyal nga pag-atake sa China. (riza budlao)
