Gikuwestiyon ni House prosecutor Rep. Keith Flores kung nganong milyon-milyong piso gikan sa confidential funds ang gigasto para sa mga kalihokan sa Office of the Vice President (OVP) sama sa tree planting, Christmas party ug road-safety activities.
Matud ni Flores, padayon gihapon nga gihimo ni Vice President Sara Duterte ang maong mga kalihokan bisan wala na siyay confidential funds.
Dugang pa sa magbabalaod, nganong gikinahanglan pa ang dako nga kantidad sa maong pondo alang sa mga kalihokan nga luwas ug malampuson man gihapon nga mahimo bisan wala ang maong pondo. (riza budlao)
