Laraw sa National Bureau of Investigation (NBI) nga palugwaan sa subpoena si Nancy Dela Rosa, ang kapikas sa nagtago-tago nga si Senador Ronald “Bato” Dela Rosa.
Kini ang gibutyag ni NBI Director Atty. Melvin Matibag nga nagplano nilang ipa-ubos sa interogasyon ang kapikas sa senador aron masuta gikan kaniya kung asa na ang iyang kapikas.
Kini nga lakang maoy usa sa opsyon sa mga ahente ni Matibag aron mapadali ang pagmanhunt sa senado.
Hisayran nga ang pagpangita kang Senador Bato nagmusikad sa kamanduan sa International Criminal Court (ICC) warrant of arrest nga gihatagan sa pag-uyon sa Department of Justice.
Una niini, gitinguha ni Matibag nga kuhaan sa opisyal nga pamahayag o sworn statement si Ginang Nancy human kini magpost sa social media nga gigamit daw ang iyang bana nga rason sa pinusila sulod sa senado niadtong Mayo 13.
Gawas kang Mrs Dela Rosa, pagawasan usab sa subpoena ang tanan tawo nga ulahing nakauban ni Senador Bato adeser misibat sa senado.
