CAGAYAN DE ORO CITY- Kasuhan sa paghupot ug paggamit sa gidiling droga si PDRRMC weather monitoring head Vergil Lago sa piskalya sa syudad ning adlawa.
Kini human nasikop sa entrapment operation si Lago sulod sa usa ka inn nga nagbaton sa gidiling droga diha sa Aguinaldo Street sa syudad kagahapong adlawa.
Matud ni SPO3 Jigger Rojo,imbestigador sa City Drug Enforcment Unit o CEDU nga nakuha gikan kang Lago ang punto 36 gramos nga shabu ug drug paraphernalia.
Detinado si Lago sa mini-cell sa Maharlika Detention Center samtang gihulat maduso ang kaso sa piskalya.
Samtang dili manginlabot si Gob Bambi Emano sa pagkasikop ni Lago sa kalambigitan sa gidiling droga.
Reaksyon kini ni PDRRMC head Fernando ‘Sot-Sot’ Dy Jr dihang nasayran gikan sa Bombo Radyo ang pagkasikop ni Lago.
Gikakurat sa kapitolyo ang pagkasikop ni Lago tungod sa giingong paggamit sa gidiling droga.
Si Lago ang kanhi usab weather monitoring head sa CDRRMD ayha mitabok padulong sa kapitolyo probinsyal.
