Natagnaan ni Law Professor Atty Oscar Moreno ang presensya ni Senador Joel Villanueva sa pagbukas sa sesyon sa senado, karong buntag.
Sa programang ZONA LIBRE, kagabie, miingon si Moreno nga pinaagi sa pagtambong ni Villanueva, segurado nga makab-ot sa bloke ni Senador Gatchalian ang kurom nga adunay 13 ka ihap sa mga senador nga pisikal nga mutambong sa sesyon.
Gumikan sa pagtambong ni Villanueva, ma-imbalidar na ang petisyon ni kanhi Senador Alan Peter Cayetano sa Korte Suprema.
Mahinumduman nga kagahapon, gisubmitar ni Cayetano uban ang mga miyembro sa senate minority ang quo warranto petition nga nagkuwestiyon sa pagdeklara kang Senador Sherwin Gatchalian isip Senate Pro Tempore sa naglabay nga semana.
Wala milagda isip petitioner si Senador Mark Villar ug Joel Villanueva.
