CAGAYAN DE ORO CITY – Gisang-atan sa sa kapolisan sa kasong kriminal direct assault ug physical injuries ang motorista nga si alyas Boy Supak sa piskalya ning syudad.
Kini human wala palabya sa duha ka Roads and Traffic Administation o RTA personnel ang hitabo nga nagkasinumbagay sila ug ang suspek.
Gibutyag ni Major Rutherford Ondin sa Cagayan de Oro City Police Office o COCPO nga una nang nangayo’g pasaylo ang suspek apan nakahukom ang mga personahe sa RTA nga kasuha’g kriminal sa piskalya ning dakbayan.
Apan giklaro usab ni Ondin nga puwede mosang-at sa kaso batok sa mga personahe sa RTA sanglit napasakitan kini sa maong komosyon.
Hisayrang misulod sa one way traffic si Boy Supak dihang gisita kay wrong way apan nag-resulta na hinoon sa panagsumbagay diin nag-viral kay nakuhaa’g video ug gi-upload sa social media.
