CAGAYAN DE ORO CITY – Gihangyo ni 1st District City Election Officer Atty. Joel Dexter Nagtalon ang sakop sa media nga dangpanan sa mga reklamo sa isyu sa vote buying nga kumbinsihon ang tinubdan kabahin sa impormasyon nga tinud-anay naglihok ang grabeng pinalitay sa mga boto.
Kini aron mas mapadali ang pag-aksyon sa Commission on Elections ug masampulan ang mga kandidato nga garapalan namalit sa mga boto ug mismo sa mga botante nga nagbaligya niini.
Miingon si Nagtalon nga lisod makabarog sa korte ang kaso kung dili lahutay ang paningkamot nga masilotan ang mga utok sa lapad nga pinalitay sa boto.
Giklaro sa ahensiya nga wala kanila ang pagdakop apan sa mga pulis ubos sa pag-abag sa mga sakop sa media ug ubang mga testigo.
Hisayrang giporma ang committee on Kontra Bigay sa Comelec aron tinud-on ang mga kandidato nga walay pag-respeto sa balaod sa eleksyon.
