Padayon nga nakaalerto ang mga katawhan sa Israel tungod sa nagpadayon nga hulga sa mga bomb threats sa ilang lugar, kasunod sa tensiyon tali sa Estados Unidos, Israel ug Iran.
Sumala ni Bombo International Correspondent sa Israel nga si Vincent Francisco, giabisuhan sa gobyerno sa Israel ang mga residente nga mosunod sa gipatuman nga safety measures, ilabi na ang pag-adto dayon sa mga bomb shelter sa matag higayon nga adunay hulga o alerto.
i Francisco nga nahimutang sa Ashkelon sa southern nga bahin sa nasud, uban sa 13 ka Pilipinong mag-uuma, miingon nga bisan layo sila sa sentro sa mga pagbomba, mituman gihapon sila sa direktiba sa Israeli government nga moadto sa bomb shelter kon adunay hulga.
Butyag niya nga mahibal-an nila ang posibleng bomb threat pinaagi sa pagtingog sa sirena sa ilang lugar ug pinaagi sa alerto sa ilang mga cellphone nga mosulod mga 10 ka minuto antes sa posibleng pag-atake aron makapangandam sila.
Sa pagkakaron, sumala kang Francisco, kasamtangang malinawon ang ilang lugar human nga talagsa na lamang sila makadawat og alerto kabahin sa bomb threats sa ilang dapit. (James Oliver)
