Masusi nga pagrebyu, pag-analisar ug pagbalik lantaw sa mga kaso ug insidente ang gikonsiderar nga mga aspeto sa Police Regional Office -10 sa deployment sa dul-an 3000 ka police personnel sa pagbukas sa klase sa Hunyo 8.
Kini ang gibutyag ni PRO-10 spokesperson Police Mjaor Joann Navarro sa BOMBO RADYO. Gibutyag ni Navarro nga importante alang kanila nga masiguro ang seguridad sa mga tinun-an, magtutudlo, ug mga opisyales sa tunghaan aron walay mahitabong nga insidente nga natala sa naglabay nga mga katuigan.
Aduna usab gi-alokar nga mga oras ang kapulisan alang sa ilang mobile patrol o pagtuyok-tuyok sa mga tunghaan.
Gitin-aw ni Navarro nga ang pag evaluate nila ang mga hotspot areas ug mga lugar nga kasagaran adunay kalihokan sa estudyante ug ginikanan, numero uno sa ilang prayoridad sa pagbalik eskwela sa sunod semana.
Ang balik-eskwela operation sa Philippine National Police naglakip sa pag-assign sa police visibility sa mga eskwelahan, terminal, ug kadalanan nga daghan og sakyanan, pagmuntar sa check point areas, pagdeploy sa police assistance desk sa matag tunghaan, ug lig-ong koordinasyon sa lokal nga kagamhanan kuyog ang mga school boards, ug administrators.
Hisayran nga kasagaran mahitabo panahon sa pagbukas sa klase mao ang mga petty crimes sama sa labni sa cellphone, alahas ug uban pang mahal nga kabtangan. Gibantayan usab sa kapulisan ang mga aksidente sa kadalanan nga related nga opening sa klase
