Dismayado ang mga tax payers sa Amerika sa ilang nadiskobrehan nga palpak nga renovation sa Lincoln Memorial Reflecting Pool sa Washington, Amerika.
Ilangnamatikdan nga nagkabuak-buak ang pintura sa girenobar nga national marker.
Natingala ang mga residente dool sa maong lugar kung nganong paspas ang pagkadaut sa gitrabaho sa mga tawo ni US President Donald Trump.
Hisayran nga nakapukaw sa kabalaka ang kalidad sa materyales ug sa pagdumala sa proyekto.
Ang mga bisita ug mga tigpasiugda sa konserbasyon maoy nangunay sa pagpasakag reklamo ug nangayo’g klarong tubag gikan sa mga ahensya nga nagdumala sa site.
Gisugyot sa pipila nga kinahanglan dayon ang imbestigasyon aron malikayan ang dugang kadaut sa istruktura ug sa palibot.
