Gipresentar sa House prosecution ang video nga giingong naglangkob sa mga pahayag ni Vice President Sara Duterte batok kang President Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez isip kabahin sa impeachment trial.
Matod ni Atty. Amando Virgil Ligutan, counsel sa House prosecutors, usa kini sa mga ebidensyang ilang gisumite aron suportahan ang Article IV sa Articles of Impeachment nga may kalabotan sa giingong grave threats.
Ang maong video gi-authenticate ni NBI Senior Agent John Mark Calilung isip digital evidence nga gidawat ug gipresentar sa impeachment court.
Gipasabot usab ni Ligutan nga limitado lamang ang ilang mahimong ikomento gawas sa mga ebidensyang opisyal nang gipresentar atol sa pagdungog sa kaso.
Sa pagkakaron, nagpadayon ang prosekusyon sa pagpresentar sa ilang mga testigo ug ebidensya subay sa mga lagda sa impeachment court. (jane abulag)
