CAGAYAN DE ORO CITY – Gipanghimakak ni National Bureau of Investigation Director Atty. Melvin Matibag nga ang ilang operasyon batok sa steel companies dili lang nakatutok sa mga kompanyang konektado sa China.
Matud pa niya, nakabase ang aksyon sa mga report ug intelligence information bahin sa posibleng paglapas sa product standards ug workplace safety.
Gi-monitor sa NBI ang kapin sa 20 ka steel plants sa nasud ug nakapahigayon na og operasyon sa lima ka pasilidad sa Pampanga, Bulacan, Misamis Oriental ug Davao City.
Gipamugos ni Matibag nga ebidensiya ug impormasyon ang basihan sa operasyon, dili ang nasyonalidad sa kompanya o tag-iya.
