CAGAYAN DE ORO CITY, Philippines – Dili apektado ang business climate sa Pilipinas sa nagsamot nga political tension sa bangi sa pamilya Marcos ug Duterte.
Masaligon si National Economic Development Authority (NEDA) Secretary Arsenio Balisacan nga walay mahitabong paghagba sa kinitaan ug pagbubo sa investments sa nasud, kung ipadayon sa gobyerno ang pagsustinar sa naplastar nga economic agenda sa Marcos Administration.
Namugos ang kalihim sa NEDA, kinsa usa sa Economic Managers ni Presidente Ferdinand Marcos Jr., nga kanunay magtinabangay ang business community ilabe na kung walay ipatuman nga kabag-uhan o pagpugong sa pipila ka economic programs nga kamulo nang gipatuman sa gobyerno.
Gipanigurado usab sa NEDA nga samtang intact ang gobyerno, magpadayong normal ang dagan sa ekonomiya sa nasud, ug walay angay ikabalaka ang katawhan ug mga negosyante.
