Gikumpirma ni Lanao del Sur Representative Zia Alonto Adiong nga wala pay namonitor nga direktang security threat sa pagkakaron, bisan pa man nga padayong gisubay sa mga awtoridad ang pipila ka mga pahayag.
Gipakusgan sa Philippine National Police o PNP ug Armed Forces of the Philippines o AFP, ubos sa koordinasyon sa Commission on Elections o Comelec, ang seguridad alang sa unang parliamentary elections sa Bangsamoro Autonomous Region in Muslim Mindanao o BARMM.
Giandam ang mga security personnel sa nagkadaiyang lugar sa rehiyon aron masiguro ang malinawon, hapsay ug luwas nga pagpahigayon sa eleksyon.
Naglaum si Adiong nga walay mahitabong dili maayong insidente ug nga respetuhon sa mga elective official ug ubang stakeholders sa BARMM ang resulta ug proseso sa Eleksyon.
Ang BARMM parliamentary elections ipahigayon sa Septiyembre 14, diin 80 ka pwesto sa regional parliament ang pagdesisyunan sa mga botante. (jane abulag)
