Gibutyag ni PCapt. Steffi Salanguit, tigpamaba sa Police Regional Office-Bangsamoro Region, ang mga pagpangandam ug koordinasyon alang sa seguridad sa umaabot nga eleksyon.
Lakip sa mga nag-unang lakang ang hugot nga koordinasyon ug hiniusang security planning sa Philippine National Police o PNP, uban sa Armed Forces of the Philippines o AFP, Commission on Elections o COMELEC, Office of the Presidential Adviser on the Peace Process o OPAPRU, ug uban pang stakeholders. Mokabat sa 10,439 ka personnel sa PNP ang gi-deploy ug gi-augment sa tibuok rehiyon aron magbantay sa mga voting center, opisina sa COMELEC, checkpoints, ug uban pang lugar nga nanginahanglan og hugot nga seguridad.
Gipunting sa kapulisan nga ang maong mga lakang kabahin sa hiniusang paningkamot sa mga ahensya aron mapalig-on ang seguridad sa tibuok rehiyon atol sa eleksyon. Tumong niini nga masiguro ang malinawon, hapsay ug luwas nga pagdumala sa umaabot nga eleksyon. (jane abulag)
