Patay ang 10 ka sibilyan samtang daghan pa ang angol sa sunod-sunod nga pag-atake sa Russia sa nagkadaiyang bahin sa Ukraine.
Matud sa mga opisyal sa Ukraine, giigo sa mga drones ug missiles ang mga residential area, sakyanan, tindahan ug uban pang imprastraktura.
Lakip sa mga lugar nga naapektuhan ang Kramatorsk, Zaporizhzhia, Kryvyi Rih ug Zhytomyr, diin adunay mga namatay ug nasamdan tungod sa pag-atake.
Matud ni Ukrainian President Volodymyr Zelenskyy, mokabat sa 500 ka drone ang gilunsad sa Russia atol sa maong pag-atake, samtang kapin kung kulang 40 ka tawo ang nasamdan sa Odesa.
Sa pikas bahin, matud sa Russia nga mga pasilidad sa industriya ug ekonomiya sa Ukraine ang ilang gipunting, lakip ang mga planta sa asero ug ore.
