Misaka og 19.8 porsyento ang net income sa Philippine Stock Exchange Inc. (PSE) sa unang unom ka bulan sa 2026, ngadto sa P608.38 milyon gikan sa P508.03 milyon sa samang panahon niadtong 2025.
Misaka usab og 9.4 porsyento ang kita sa PSE ngadto sa P1.44 bilyon, tungod sa mas taas nga trading ug clearing revenues, ingon man sa depository securities account fees.
Matod ni PSE President ug CEO Ramon Monzon, misaka og 13.5 porsyento ang average daily value turnover ngadto sa P7.72 bilyon, nga iyang gikonektar sa mas aktibong merkado ug sa pagkunhod sa stock transaction tax.
Gilauman usab sa PSE nga mokabat sa P133.70 bilyon ang umaabot nga mga listing sa ikaduhang katunga sa 2026, lakip ang initial public offerings sa Mynt Inc. ug Vitro REIT (riza budlao)
