Gipakuratan ni Israeli Prime Minister Benjamin Netanyahu ang United Nations sa iyang last minute nga desisyon nga mutungha sa 79th United Nations General Assembly sa New York City,Amerika.
Sa iyang privilege speech, usa usa niyang gisupak ang nag-unang pamahayag nila Iranian President Masoud Pezeshkian, mga representante sa Palestine, hari sa Jordan ug Emir sa Qatar.
Miingon si Netanyahu nga kanunay kalinaw ang ilang ipatigbabaw.
Apan tungod sa paghinawod sa gobyerno sa Tehran nga mipondo sa armas igugubat sa Hamas, Hezbollah ug Houthi’s wala nila mapug-ngan nga makiggubat aron makab-ot ang ilang gipangandoy nga kalinaw.
Gipamugos ni Netanyahu nga gubat ang pinakaulahing tubag sa ilang gobyerno batok sa mga nasud ug grupo nga wala miila sa bili sa kinabuhi ug kalinaw.
Hisayran nga nagsilbing “crowd favorite” si Netanyahu tungod kay sa lima ka adlaw nga UN Debates, siya lang ang nag-inusarang speaker nga nakadawat sa daghang pakpak ug halos wala makatupong kaniya si US President Joe Biden kinsa nagsilbing baluwarte ang headquarters sa UN.(Bombo Anne Quileste).
