Giakusahan ni California Governor Gavin Newsom si U.S Presidente Donald Trump nga migamit sa Justice Department isip hinagiban sa usa ka “politically motivated” nga imbestigasyon batok kaniya ug sa iyang asawa.
Sa usa ka video statement, giingon ni Newsom nga nangabuso sa gahum ang mga federal agents pinaagi sa pagpanghasi sa iyang mga kaila aron lang makapangita og pasangil batok kaniya.
Gipamugos sa gobernador nga usa kini ka pagpanimalos ni Trump tungod sa iyang pagbarog isip kritiko sa administrasyon ug sa iyang posibleng pagdagan pagka-presidente sa 2028.
Bisan og andam siyang atubangon ang bisan unsang imbestigasyon, nanawagan si Newsom nga dili na damayon ang iyang pamilya sa personal nga away sa politika.
Sa pagkakaron, wala pa’y opisyal nga tubag ang Justice Department kalabot sa mga bug-at nga akusasyon sa maong gobernador. (JANE ABULAG)
