Gipamatud-aon ni Assistant National Statistician Marizza Grande, sa Philippine Statistics Authority (PSA), nga daghang mga ngalan nga gi-report nga nakadawat sa confidential funds ni Vice President Sara Duterte nga wala’y birth, marriage, o death records sa ilang ahensya.
Lakip sa mga ngalan nga iyang gibatbat mao sila Arthur Baon, Ralph Josh Bacon, Beverly Claire Pampano, Matthew N. Keso, Maxine Callos, ug Charles Sampaloc Jr. Lakip usab sa listahan sila Xiaome Ocho, Danrick Ocho, Tomas Panda, Timon Pusa, ug Tina Maching.
Gibutyag usab ni Grande nga sama sa kontrobersyal nga Mary Grace Piattos, kini nga mga ngalan dili makita sa opisyal nga database sa PSA.
