Target sa Civil Aviation Authority of the Philippines (CAAP) nga mabalik ang commercial flight operations sa General Santos City Airport sulod sa usa ka semana.
Matod ni CAAP Public Information Officer Bea Bernardo, duna na silay gi-identify nga alternatibong area sa tugpahanan aron temporaryong magamit alang sa mga umaabot nga flights.
Gihimo kini nga lakang human temporaryong gisuspende ang operasyon tungod sa mga nangatumpag nga istruktura gumikan sa kusog nga linog.
Gawas sa GenSan, padayon usab nga gi-assess sa ahensya ang uban pang tugpahanan human mitala sa PHP 150 million ang kinatibuk-ang danyos sa mga apektadong pasilidad.
