CAGAYAN DE ORO CITY-Balik na sa normal ang mga biyahe sa mga barko nga dunay mga sakay nga pasahero gikan sa Northern Mindanao padulong sa Visayas Region.
Kini human wagtangna na sa Philippine Coast Guard District of Cagayan de Oro ang kanselasyon sa mga biyahe gumikan sa bahad nga dala sa bagyong Ompong.
Miingon si PCG regional spokesperson Ensign Jheric An John Ybanez nga gitugtan na usab nila ang mga barko nga padulong sa kauluhan makabiyahe kay migawas na ang bagyo sa nasud.
Una niini,gatusang mga pasahero gikan sa Caraga,Region 9 ug Northern Mindanao ang natanggong kay wala tugti makabiyahe ang ilang mga barko nga sakyan padulong sa ilag mga destinasyon.
