Sa ikaduhang adlaw sa impeachment trial batok kang Bise Presidente Sara Duterte, nakaatubang og sunod-sunod nga ‘objection’ si Atty. Virgil Ligutan gikan sa defense lawyer nga si Atty. Carlo Narvasa human niya gipangutana ang usa ka NBI agent bahin sa giingong pagpanghulga ni Bise Presidente ngadto nilang Presidente Bongbong Marcos, Jr., First Lady Liza Marcos, ug kanhi House Speaker Martin Romualdez.
Bisan pa sa mga babag, gitugotan gihapon ni Presiding Officer Sen. Chiz Escudero si NBI Agent John Mark Calilung nga tubagon ang maong mga pangutana.
Human niini, gipasalida sa Senate Impeachment Court ang kapin sa duha ka minuto nga video sa press conference sa bise presidente diin klarong madunggan ang mga pahayag ni VP Sara sa maong video.
Gipahimangnuan ni Senador Escudero si Calilung nga kinahanglan gihapon siyang motambong sa husay karong adlawa aron hatagan usab sa higayon ang defense panel sa pagpangutana kaniya bahin sa giingong mga ebidensiya.
Hisayran nga human sa hearing, paspas nagviral ang mga objections ni Atty Narvasa nga nakapa ukay sa mga magtutungha sa abogasiya, ug academe.
