Dili pa ma-rule-out sa mga imbestigador kung “depresyon” o “bullying” ang rason kung nganong gipangluthang sa usa ka Grade-10 student ang iyang mga classmate sulod sa tunghaan sa Ateneo de Zamboanga University – Highschool Campus (ADZU-HS), sa miaging adlaw.
Kaganina sa buntag, personal nga gisusi ni Department of Education Secretary Sonny Angara ang tunghaan ug nakigpulong sa mga kadagkuan sa ADZU-HS, mga ginikanan, lakip na sa mga nag-imbestigar sa insidente.
Mismo si Angara ang misalikway sa inisyal nga report nga pagpangbully ang rason, tungod kay magkinahanglan pa kini sa masusing imbestigasyon.
Gawas niini, susihon usab sa DepEd ang psychological background sa namusil ayha pa masuta kung kini adunay grabeng depresyon.
Hinuon, gipasalig sa mga imbestigador nga dili nila isalikway ang posibilidad nga adunay online interaction o gitawag nga “groomer” nga naghatag sa dakong impluwensya sa suspek
