Sugdan karong alas 5:30 sa hapon ang Opening Holy Mass alang sa 132nd Catholic Bishops’ Conference of the Philippines (CBCP) Plenary Assembly and Retreat sa Metropolitan Cathedral of the Immaculate Conception sa Ozamiz City.
Mangulo sa Misa si Most Rev. Martin S. Jumoad, D.D., Archbishop of Ozamis, isip Mass Presider uban sa mga concelebrants nga sila Most Rev. Jose R. Rapadas, D.D., Bishop of Iligan, ug Most Rev. Cevero C. Caermare, D.D., Bishop of Dipolog.
Gilauman ang pag-abot sa mga obispo ug arsobispo sa Ozamiz Cathedral isip kabahin sa opisyal nga pagbukas sa maong nasudnong panagtigom sa Simbahang Katolika nga gi-host sa Archdiocese of Ozamis sa Misamis Occidental, sa alas 4 sa hapon.
Mensahe ni Archbishop Martin Jumoad atol sa pagdawat sa mga obispo ug arsobispo nga mosalmot sa 132nd CBCP Plenary Assembly.
“Una sa tanan, makahatag og kadasig sa tanan natong mga citizen, nagpasalamat kita sa Diyos. Kay naabot na gyud siya, dako ni atong kalipay kay safe sila nga nakatugpa dinhi sa airport dinhi. Salamat sa Diyos, og hinaot nga sa kanunay sila magmalipayon sa atong pag-timbaya, kay usa man ni kadako nga event sa kasaysayan sa Archdioces sa Ozamiz”, ingon ni Jumoad.
