Mipahayag si Palace Press Officer Claire Castro atol sa press briefing nga magpadayon gihapon ang operasyon sa gobyerno sa pag-aresto kang Senador Ronald “Bato” dela Rosa.
Miingon si Castro nga aduna nay update nga gihatag si Department of Local and Interior Government (DILG) Secretary Jonvic Remulla kabahin sa kasamtangan nilang operasyon sa pagpangita ug pag-aresto sa maong senador.
Sa dihang gipangutana siya kung ngano wala pa maaresto si Senador dela Rosa, miingon kini nga ang Department of Justice (DOJ) ug Department of Interior and Local Government (DILG) ang adunay katakus sa pagtubag sa maong pangutana kay sila ang gahawid sa operasyon para dali nga madakpan ang Senador.
Dugtong niini, mipahayag si Castro nga adunay standing order nga gipagawas si Presidente Ferdinand “Bongbong” Marcos Jr. aron ma-aresto ang nagtago-tago nga Senador.
