Gikumpirma ni OVP Assistant Chief of Staff Lemuel Ortonio nga siya ang opisyal nga makita sa video sa hearing sa House Committee on Good Government and Public Accountability niadtong Nobyembre 25, 2024.
Matod ni Ortonio, siya ang nagdumala sa kinatibuk-ang internal affairs sa Office of the Vice President, lakip ang Administrative and Financial Services Office ug Strategy Management Office.
Gikumpirma usab niya nga ang Administrative and Financial Services Office maoy responsable sa kinatibuk-ang budget sa OVP, lakip ang budget preparation, disbursement, accounting ug liquidation.
Sa pagpangutana ni House prosecution counsel Atty. Mae Divinagracia, gikumpirma ni Ortonio nga tungod sa iyang general supervision, kasagaran walay pondo sa OVP nga ipagawas, gastuhon o i-liquidate nga wala sa iyang kahibalo ug supervision.
Mitubag si Ortonio og “generally, yes” sa maong pangutana atol sa impeachment proceedings. (jane abulag)
