Gikompirmar ni Roderick Wamil, state auditor sa Commission on Audit (COA) Intelligence and Confidential Funds Audit Office nga ang Office of the Vice President (OVP) nga hawid ni VP Sara Duterte ang gipa-ubos sa post audit sa COA.
Target sa pag-audit ang confidential funds sa OVP ni VP Sara.
Miingon si Wamil nga walay mandato nga ipaubos sa audit ang nanglabay nga OVP.
Gibutyag usab niini nga sila kanhi Bise Presidente Jejomar Binay ug Leni Robredo wala na gipailawon sa post-audit tungod kay wala sila’y appropriations alang sa confidential funds sa ilang termino.
Dugang pa niini nga sa tanang kanhi kalihim sa Department of Education, si Duterte lamang ang na-audit bahin sa confidential funds kay wala usab magamit niini ang mga naunang kalihim.
Gikompirmar usab sa kanhi opisyal sa COA nga muabot sa P500 milyon ang confidential funds sa OVP sa ilawom ni VP Sara Duterte ug P112.5 milyon ang confidential funds sa Department of Education sa panahon sa iyang pagserbisyo sa COA.
Kini nagpasabot nga si Duterte mao lamang ang opisyal nga nasailalom sa maong klase nga audit tungod sa aktuwal nga paggamit sa confidential funds.
