Gisugyot sa administrasyong Marcos ang P10.773 bilyon nga confidential ug intelligence funds (CIF) ubos sa 2027 proposed national budget, mas ubos og 8.8 porsyento kumpara sa P11.818 bilyon niadtong 2026.
Girekomenda sa administrasyon ang P4.368 bilyon alang sa confidential funds ug P6.405 bilyon alang sa intelligence funds, nga alang lamang sa mga ahensiyang legal nga gitugotan sa maong mga buluhaton.
Matud ni Acting Budget Secretary Kim Robert De Leon, ipatuman sa paggamit sa CIF ang kasamtangang budgeting, utilization, liquidation ug auditing rules aron masiguro ang accountability ug hustong paggamit niini.
Samtang, girekomendar usab sa ehekutibo og P111.98 bilyon nga unprogrammed appropriations alang sa 2027, diin dakong bahin niini alang sa foreign-assisted projects, ug dili tugotan sa House Appropriations Committee nga gamiton sa flood control projects. (riza budlao)
