CAGAYAN DE ORO CITY, Philippines – Segurado na ang pondo alang sa itukod nga bag-ong tugpahanan sa Dumaguete City, Negros Oriental.
Kumpirmasyon kini ni Department of Finance Secretary Ralph Recto.
Gibutyag ni Recto nga mubalor sa 13-Milyon pesos ang total project cost ug kini suportado sa The Export–Import Bank of Korea (KEXIM)
Ang bag-ong tugpahanan makahatag sa pagsaka sa ihap sa mga turista nga gibana-bana nga 2.5 milyon ka mga pasahero matag tuig, itandi sa 800,000 nga ihap sa milabay’ng tuig.
Sa pagtukod sa bag-ong pasilidad masaligon ang kalihim nga makamugna kini’g libuang trabaho.
Ang bag-ong proyekto sa Dumaguete City Airport naglangkob sa 197.55 ka ektarya nga land development sa Munisipyo sa Bacong, Negros Oriental.
Gitakda kini nga musubay sa domestic ug internasyonal nga mga sumbanan alang sa kaluwasan ug kahusayan sa operasyon.
Gawas sa Dumaguete, ang DOF nagkanayon nga ang gobyerno naglantaw sa pag-upgrade sa mas daghang regional airports sa tibuok nasod aron ma-modernize ang matag isla sa kapupud-an.
“The new airport will enhance our capacity to welcome a surge of tourists in the post-pandemic era. With the new Dumaguete airport, we anticipate accommodating up to 2.5 million passengers per year, up from just 800,000. From serving limited domestic flights, we can now open the door to international routes,” segun ni Recto.
