Mukabat sa P20-Milyon pesos ang kinatibuk-ang kantidad sa ismagol nga sigarilyo ang nasanta sa checkpoint operation sa kapulisan sa Magsaysay, Misamis Oriental.
Nadakpan sa insidente ang drayber sa kolor abo nga Mitsubishi FUSO van, human gihatagan sa citation ticket.
Apan dihang gihiling sa mga pulis ang sulod sa ilang sakyanan, ilang gikakurat ang nadiskobrehan nga mga kontrabando.
Sa inspeksyon, nakaplagan ang 520 ka master cases o 26,000 ka reams nga Commissioner Menthol, Victor Agila American Blended, ug Arthur American Blended nga sigarilyo nga gitago ilawom sa abaca fiber.
Lakip sa napasulod sa prisohan sila alyas “Jim,” 40; “Juni,” 28; ug “Vin-Vin,” 27, nga tanan taga-Zamboanga Sibugay ug giingong igsoon ang duha. Ang kargamento giingong gikan pa Zamboanga City ug padulong sa Agusan del Sur
