Migahin ang gobyerno sa P400 million alang sa fuel discount program nga nagtumong sa pagtabang sa mga drayber nga naapektuhan sa padayong pagtaas sa presyo sa lana.
Sa gipahigayon nga press briefing sa Palasyo, namahayag si PCO Undersecretary Claire Catro nga ang Department of Transportation (DOTr) muhatag sa pormal nga anunsyo kalabot sa mga detalye sa P12 nga fuel subsidy.
Gikatakda nga magsugod ang pagpatuman niining maong programa karong Agosto 15.
Matud ni Castro nga walay piho nga petsa sa pagtapos ang maong tabang samtang nagkinahanglan pa sa suporta ang sektor sa transportasyon.
Hisayran nga ang lakang gihimo aron maminusan ang kabug-at sa gasto sa pamasahe ug adlaw-adlaw nga panginabuhian sa mga tsuper.
