Naghain sila House Speaker Faustino “Bojie” Dy III ug House Majority Leader Ferdinand Alexander “Sandro” Marcos og panukalang Children’s Social Media Safety Act nga magpataw og multa hangtod P50 milyon sa mga social media platform nga dili mosunod sa mga pamantayan alang sa kaluwasan sa mga bata sa internet.
Ubos sa panukala, ipagbabawal ang paggamit sa social media sa mga bata nga edad 12 paubos, samtang ang mga 13 hangtod 17 anyos tugotan lamang kung adunay pagtugot ug padayon nga pagdumala sa ginikanan o guardian.
Giatasan usab ang mga platform nga magpatuman og age verification, parental controls, ug mga lakang batok sa makadaot nga sulod. Mahimo usab silang patawan og temporaryong pagpugong o ipagbawal ang operasyon sa Pilipinas kung balik-balik ug grabe ang paglapas.
Tumong sa panukala nga palig-onon ang proteksyon sa mga bata sa online nga kalibutan ug isulong ang luwas ug responsable nga paggamit sa social media.
