Gihangop, apan giisip gihapon nga usa ka dakong “insulto” ni Mimi Doringo sa Kalipunan ng Damayang Mahihirap (KADAMAY) ang giaprubahan nga 85 pesos nga umento sa suholan taliwala sa grabeng kalisod sa nasod karon.
Sa exclusive interview sa BOMBO RADYO, iyang gipahayag nga bisan pa man nga bunga kini sa taas nga pakigbisog sa mga mamumuo, dili gihapon kini paigo tungod sa padayong pagsaka sa presyo sa bugas, bayranan sa kuryente, tubig, ug pamasahe.
Gani, iyang gikuwestiyon kon nganong daling makuha ang kwarta sa kagamhanan kon hisgutanang korapsyon, apan nganong “pwerte mang hugota” ug kalisod ihatag sa mga trabahante ang maong usbaw nga tunga-tunggaon pa man unta.
Nanawagan si Doringo nga kinahanglan gayong ipatuman ang usa ka nasodnong suholan o “living wage” nga makabuhi sa matag pamilyang Pilipino.
